امتحان برومترك الامارات ( MOH )
 

ويجب ان نشير الي ان هناك ثلاثة انواع من تراخيص العمل الطبية في ولاية الامارات : 
 

النوع الاول : هو الترخيص الخاص بإمارة دبي وهو ترخيص صحة دبي

Dubai Health Authority ) ) او المتعارف عليه بال DHA .

النوع الثاني : هو الترخيص الخاص بإمارة ابو ظبي وهو ترخيص صحة أبو ظبي
 Health Authority Abu Dhabi أو ما يعرف ب ال HAAD
لنوع الثالث : فهو الترخيص الخاص بوزارة الصحة
ومن خلال الحصول علي هذا الترخيص يمكنك العمل في باقي ولاية الامارات الخمسة وايضا يمكنك العمل به في بعض المستشفيات الحكومية التابعة لوزارة الصحة في دبي وابو ظبي ويعرف هذا الترخيص باسم MOH أو Ministry Of Health .
 

في البداية يجب توضيح ان امتحان برومترك الامارات وهو الخطوة الاهم والاولي في الحصول علي ترخيص مزاولة المهنة في ولاية الامارات مختلف تماما عن امتحان البرومترك الخاص بباقي الدول مثل ( السعودية – قطر – عمان ) .

المصاريف كاملة 2260 درهم.

بالمصري حوالى 10200

210 درهم تسجيل
1250 درهم داتا فلو (التحقق من صحة الشهادات)
800 درهم امتحان بروميتريك

الأوراق المطلوبه لحجز امتحان برومترك دبي

1. شهادة التخرج

2. بيان درجات التخرج

3. شهادة الامتياز

4. اخر شهادة علميه تم الحصول عليها ( ماجستير – دكتوراه )

5. بيان درجات أخر شهادة علمية تم الحصول عليها ( ماجستير – دكتوراه )

6. جواز السفر

7. شهادة حسن سير و سلوك (من النقابة في مصر و من جهة الترخيص لو انت في الخليج) و متكونش أقدم من 6 شهور

8. صورة ترخيص مزاولة مهنة.

​

اولا ترخيص وزارة الصحة الاماراتية MOH

في البداية يجب عليك تجهيز الاوراق الخاصة بك ويجب ان تكون هذه الاوراق كاملة نسخة باللغة العربية ونسخة اخري باللغة الانجليزية وفي حال عدم توافر النسخة الانجليزية يجب ترجمة الاوراق من العربية الي الانجليزية من خلال شركة ترجمة معتمدة ويتم تصديقها بالتصديق العادى من الكلية والجامعة ثم الخارجية .

​

من ساعة التقديم لحين رد الهيئة 8 أسابيع.
بعديها تحدد الأمتحان يكون في خلال 3 شهور,
أو خطاب ال eligibility letter بعد 4 أيام من الأمتحان.

​

تفاصيل التفديم

​

1- التسجيل في موقع هيئة صحة دبي,

سجل و تعمل upload لكل الورق المطلوب

https://eservices.dha.gov.ae/DHAWeb/...istration.aspx

بتكتب كل بياناتك و الأماكن الي اشتغلت فيها و كل الشهادات الي حصلت عليها و بترفق مع كل معلومة المستند المطلوب (شهادة خبرة أو شهادة دراسية).

كمان بترفق صورة جواز السفر و شهادة حسن سير و سلوك (من النقابة في مصر و من جهة الترخيص لو انت في الخليج) و متكونش أقدم من 6 شهور. كمان بترفق صورة ترخيص مزاولة مهنة ساري لأخر مكان انت اشتغلت فيه.

كل الشهادات الواجهة فقط مش الظهر, فمش محتاجة توثيق حاليا. كل الشهادات تبقى scanned على الكمبيوتر مش تصوير

. كل الشهادات يفضل أنها أصل (الكرتون) مش المؤقتة.

بعد ملىء كل البيانات دفع 210 درهم رسوم تسجيل (كريديت كارد)

​

بعد التسجيل هتنتظر فترة هما بيقولوا أنها حد أقصى 6 الى 9 أسابيع. بيرد يقولك ان الأستمارة بتاعتك تم الموافقة عليها.

​

ملحوظة : لو فيه ورق ناقص هيبعتلك ايميل قبل المدة دي يقولك الورقة الناقصة ايه.

​

لو تم قبول الطلب هيطلب من دفع رسوم الداتا فلو

و دي شركة منفصلة عن هيئة دبي وظيفتها التحقق من صحة شهاداتك. طيب بتدفع ازاي ؟

 

هيئة صحة دبي بتعطيق رقم و بتقولك موقع الداتا فلو في الأيميل, بتدخل الموقع و تدخل الرقم ده + رقم جواز سفرك و تدفع مبلغ 1200 درهم لو معاك بكالريوس فقط و لو معاك بكالريوس و ماجيستير و لو معاك دكتوراة أو شهادات أكثر هتدفع أكثر

​

ملحوظة : لما يجيلك ايميل هيئة دبي أنه تم قبول استمارتك  و eligibility number و واجب عليك دفع رسوم الداتا فلو عليك الأنتظار 3 أيام

لأن لو دخلت موقع الداتا فلو هتلاقي لسة بياناتك مش متسجلة.

​

ملحوظة : قدامك 3 شهور من تلقيك للأيميل ده انك تدفع فلوس الداتا فلو و الا اعتبر الطلب لاغي.

​

عد دفع رسوم الداتا فلو بحوالي 3 أيام هيجيلك ايميل تاني يطلب منك تحديد موعد لل assessment و ده يا امة مقابلة شخصية في دبي يا امة امتحان MCQ بروميتريك في أي مكان في العالم.

​

بعد ما تدخل بيناتك في البروميترك و تحدد الموعد و الدولة بتدفع برضو عن طريق الكريديت كارد 210 دولار (حوالي 800 درهم) رسوم الأمتحان.

​

طيب السؤال الأزلي : أنا هيمتحنوني شفوي ولا بروميتريك ؟

بياخدوا ناس شفوي و ناس بروميتريك.

 

يووم امتحان البروميتريك هتروح معاك جواز سفرك, هيصوروك و يفتشوك و ياخدوا بصمة صباعك و تدخل على كمبيوتر ساعتين تحل أسئلة MCQ و بعد ما تخلص الأمتحان يسلمك ورقة أنك امتحنت (مش نجحت). 
 

انشاء الله لو نجحت بيجيلك ايميل من هيئة صحة دبي بعد 3-4 أيام يفيد بأجتيازك الأمتحان و بيقولك تدخل على الأكونت بتاعك كمان بضعة أيام و تحمل ال eligibility letter و هو جواب موجه لأصحاب العمل يفيد أن فلان نجح في الأمتحان ك( المسمى الوظيفى بتاعك ).

بتجيب بيه شغل, و المستشفى بتاخد منك الجواب ده و ترفق بيه كارت مكتب العمل و ال offer letter و تأمين مخاطر المهنة و تطلعلك رخصة و تروح تشتغل انشاء الله.